मुम्बई । बलिउड जोडी तमन्ना भाटिया र विजय वर्माको ब्रेकअप भएको खबर आएको छ । यो जोडीले सन् २०२५ मा विवाह गर्न सक्ने समाचार आइरहेका बेला भारतीय सञ्चारमाध्यमले उनीहरू अलग भएको समाचार प्रकाशित गरेका हुन् ।
'लस्ट स्टोरीज २' फेम जोडीको ब्रेकअपको खबरले उनीहरूका प्रशंसकलाई स्तब्ध पारेको छ। पिंकभिल्लाको रिपोर्ट अनुसार, तमन्ना भाटिया र विजय वर्माको सम्बन्धले नयाँ मोड लिएको छ । केही हप्ता अघि मात्र दुवैले आफ्नो सम्बन्ध समाप्त गरेर सधैँको लागि अलग भएका हुन्।
तमन्ना र विजयको नजिकको स्रोतले यो खबरको पुष्टि गरेका छन्। रिपोर्टका अनुसार तमन्ना र विजय अब साथ नभए पनि, उनीहरू एकअर्काप्रति पारस्परिक सम्मान राख्छन्। यो जोडीले अहिलेसम्म आफ्नो ब्रेकअपको आधिकारिक घोषणा भने गरेका छैनन्।
एजेन्सी
