वीरगञ्ज । वीरगञ्जमा एक विशेष कार्यक्रमको बीच स्थानीय संगीतकार, लेखक, गायक तथा कलाकारहरूको बेजोड प्रस्तुति रहेको भोजपुरी देशभक्ति गीत ‘बडा सुन्दर देशवा मोर नेपाल बा’ सार्वजनिक गरिएको छ।

नेपाली भूमिको सौन्दर्य, एकता र राष्ट्रिय गौरवलाई उजागर गर्ने उद्देश्यले तयार पारिएको यो गीतमा वीरगञ्जका स्थानीय कलाकारहरूको सशक्त स्वर, शब्द र संगीत समेटिएको छ।

गीत सार्वजनिक कार्यक्रममा उपस्थित कलाकार, संगीतप्रेमी र सरोकारवालाहरूले भोजपुरी भाषामा तयार पारिएको देशभक्ति गीतले मुलुकको सांस्कृतिक पहिचानलाई अझ सशक्त बनाउने विश्वास व्यक्त गरे।

कार्यक्रमका आयोजकहरूले नेपाली भूमिको माया र राष्ट्रिय एकताको सन्देश बोकेको यो गीतले नेपाली सांगीतिक क्षेत्रमा नयाँ उत्साह र गर्व थप्ने अपेक्षा राखेका छन्।