लन्डन । भारतीय क्रिकेटर विराट कोहली र बलिउड अभिनेत्री अनुष्का शर्मा लन्डन सिफ्ट भएका छन् । भारत छाडेर यो जोडी लन्डन बस्न थालेको समाचारमा उल्लेख छ । 

केही महिना पहिले अभिनेत्री माधुरी दीक्षितको पति डाक्टर श्रीराम नेनेले आफ्नो युट्युब च्यानलमा रणवीर इलाहाबादियालाई बोलाएका थिए । शोमा दुबैले विराटप्रति आफ्नो निकटताबारे कुराकानी गरेका थिए । यति नै बेला डाक्टर नेनेले आफूले एक दिन अनुकष्कासँग कुराकानी गरेको र यसबाट दम्पत्तिबारे केही रोचक कुरा थाहा भएको बताएका थिए । 

‘उनीहरू लन्डनमा सिफ्ट हुनेबारे सोचिरहेका थिए, किनकि यहाँ उनीहरूले आफ्नो सक्सेस इन्जोय गर्न पाइरहेका  थिएनन् । हामी उनीहरूको कुराको सराहना गर्छ, किनकि उनीहरू जे पनि गर्छन् यसबाट अटेन्शन पाउँछन्,’ नेनेले भनेका थिए । 

कुराकानीका क्रममा नेनेले यो पनि भनेका थिए कि कोहली दम्पतीले आफ्ना सन्तानलाई ग्लेमरको दुनियाँबाट पर सामान्य ढंगले हुर्काउन चाहेको र लन्डन सिफ्ट हुनुको उनीहरूको उद्देश्य यही भएको बताएका थिए । अनुष्का र विराटको बिहे २०१७ को डिसेम्बरमा भएको थियो । उनीहरूको दुई सन्तान छन्– छोरी वामिका र छोरा अकाय ।