एआइको सहयोगबाट तयार पारिएको सांकेतिक तस्बिर ।
वीरगञ्ज। सरकारले नागरिकहरूमा कर तिर्ने बानीको विकास गर्न र राजस्व प्रणालीलाई थप पारदर्शी बनाउने उद्देश्यले उपभोक्तालाई लक्षित नयाँ प्रोत्साहन योजना सार्वजनिक गरेको छ। अब १०० रुपैयाँभन्दा बढीको खरिदमा आधिकारिक सक्कली बिल लिने उपभोक्ताले प्रत्येक दिन एक लाख रुपैयाँसम्म जित्ने अवसर पाउने भएका छन्।
अर्थ मन्त्रालयका अनुसार दैनिक उपभोग्य वस्तु खरिद गर्दा वा होटल तथा रेस्टुरेन्टबाट सेवा लिँदा १०० रुपैयाँभन्दा बढीको कारोबारमा अनलाइन वा नगद भुक्तानी गरी आधिकारिक सक्कली बिल लिने उपभोक्ताहरू यो योजनामा सहभागी हुन सक्नेछन्।
मूल्य अभिवृद्धि कर (भ्याट) र स्थायी लेखा नम्बर (प्यान) प्रणालीमा आबद्ध भएर नियमित रूपमा आधिकारिक बिल लिने उपभोक्ताहरू स्वतः योजनामा समावेश हुने मन्त्रालयले जनाएको छ।
मन्त्रालयका अनुसार उपभोक्ताले खरिदपछि प्राप्त गर्ने बिल नम्बरकै आधारमा प्रत्येक महिनाको १६ गते र मसान्तमा (पाक्षिक रूपमा) लखपति विजेताको छनोट गरी घोषणा गरिनेछ।
सरकारले बिना बिल कारोबार गर्ने प्रवृत्तिलाई निरुत्साहित गर्दै सर्वसाधारणमा कर तिर्ने संस्कृतिको विकास गर्न चालु आर्थिक वर्षदेखि यो नीति कार्यान्वयनमा ल्याएको जनाएको छ।
सरकारको विश्वास छ कि यस योजनाले उपभोक्तालाई आधिकारिक बिल लिन प्रोत्साहित गर्नुका साथै कर छली नियन्त्रण, राजस्व संकलन वृद्धि र कारोबारलाई थप पारदर्शी बनाउन सहयोग पुग्नेछ।
यात्रा डेली
