मुम्बई । मोहित सुरीले आफ्नो करियरमा धेरै रोमान्टिक थ्रिलर फिल्महरू बनाएका छन्, जसमध्ये धेरैजसो सुपरहिट भएका छन् भने हिट नभएका फिल्महरू पनि कल्ट क्लासिक बनेका छन्।
तर, मोहितका धेरै फिल्महरूको कथा दक्षिण कोरियाली फिल्महरूसँग मिल्दोजुल्दो छ।
सैयारा रिलिज भएदेखि नै सामाजिक सञ्जालमा यो फिल्म सन् २००४ को दक्षिण कोरियाली फिल्म ‘अ मोमेन्ट टु रिमेम्बर’ को रिमेक हो भन्ने चर्चा चलिरहेको छ। यद्यपि, मोहित सुरीले अहिलेसम्म यसबारे कुनै प्रतिक्रिया दिएका छैनन्।
दुवै फिल्मका केही दृश्यहरू समान छन्। सैयारा मात्र होइन, मोहित सुरीका धेरै फिल्महरूको तुलना दक्षिण कोरियाली फिल्महरूसँग गरिन्छ।
मर्डर २
२०११ मा रिलिज भएको इमरान हाश्मी र ज्याकलिन फर्नान्डेज अभिनित मर्डर २ सन् २००४ को फिल्म मर्डरको सिक्वेल थियो। यो फिल्म त्यस वर्षको सबैभन्दा धेरै कमाउने फिल्महरू मध्ये एक थियो। यो फिल्म सन् २००८ को दक्षिण कोरियाली फिल्म ‘द चेजर’को अनौपचारिक हिन्दी रूपान्तरण हो।
आवारापन
सन् २००७ मा रिलिज भएको एक्सन क्राइम फिल्म आवारापन मोहित सुरीको क्लासिक कल्ट फिल्म हो। यो फिल्म बक्स अफिसमा हिट नभए पनि, यसलाई आज पनि उत्कृष्ट फिल्महरू मध्ये एक मानिन्छ। यो फिल्म दक्षिण कोरियाली फिल्म ‘ए बिटरस्वीट लाइफ’को रिमेक हो भनिन्छ ।
एक भिलेन
श्रद्धा कपूर र सिद्धार्थ मल्होत्राको सुपरहिट फिल्म एक भिलेन पनि कोरियाली फिल्मको रिमेक भएको बताइएको छ। मोहित सुरी निर्देशित यो फिल्म २०१४ को सुपरहिट फिल्म थियो। यो फिल्म ‘आइ स द डेभिल’को हिन्दी रिमेक भएको भनिएको छ, तर मोहित सुरीले यसलाई अस्वीकार गरेका छन्।
एजेन्सी
