मुम्बई । अभिनेत्री हंसिका मोटवानी र उनका श्रीमान् सोहेल खतुरिया विगत केही हप्तादेखि समाचारमा छन्। उनीहरूको विवाह कठिन चरणबाट गुज्रिरहेको खबर छ। 

एउटा मिडिया रिपोर्टले हंसिका र सोहेल छुट्टाछुट्टै बसिरहेको खुलासा गरेको छ। हिन्दुस्तान टाइम्सको रिपोर्ट अनुसार, उनीहरू विवाहको दुई वर्षदेखि छुट्टै बस्दै आएका छन्। सोही रिपोर्टमा, एक स्रोतलाई उद्धृत गर्दै हंसिका आफ्नी आमासँग बस्न थालेको र सोहेल आफ्ना आमाबाबुसँग सरेको भनिएको छ ।

रिपोर्टका अनुसार जब हंसिका र सोहेलले डिसेम्बर २०२२ मा विवाह गरे, यो जोडी सुरुमा साहिलको परिवारसँग बस्दै आएका थिए। यद्यपि, ठूलो परिवारसँग घुलमिल हुन गाह्रो भएकोले पछि उनीहरू एउटै भवनको फ्ल्याटमा सरेका थिए। छुट्टै बसेपछि पनि दुवै बिचको समस्या समाप्त भएन। यद्यपि, सम्बन्ध विच्छेदको खबरमा अहिलेसम्म दुवैबाट कुनै प्रतिक्रिया आएको छैन।

यसैबिच, हंसिकाले आफ्नो सामाजिक सञ्जालबाट आफ्नो पतिसँगको सबै तस्बिरहरू हटाएकी छन्। उनले विवाहको तस्बिरहरू पनि हटाएकी छन्। 

हंसिकासँग सोहेलको दोस्रो विवाह थियो। उनको पहिलो विवाह रिंकी बजाज नामकी महिलासँग भएको थियो। धेरै मिडिया रिपोर्टहरूमा, रिंकीलाई हंसिकाको साथीको रूपमा वर्णन गरिएको थियो र भनिएको थियो कि उनले आफ्नो साथीको पूर्व पतिसँग विवाह गरेकी थिइन्। 

तर अभिनेत्री आफैंले एक अन्तर्वार्तामा सोहेल उनको भाइको असल साथी रहेको उसलाई जबरजस्ती खलनायक बनाइएको बताएकी थिइन्।

हंसिकाले टिभी उद्योगमा आफ्नो करियर बाल कलाकारको रूपमा सुरु गरेकी थिइन्। पछि, उनी हिन्दीबाहेक तमिल र तेलुगु फिल्महरूमा देखा परिन्। बाल कलाकारको रूपमा, उनको कार्यक्रम ‘शाका लाका बूम-बूम’ र ‘देश में निकला होगा चाँद’ धेरै लोकप्रिय छन्। साथै, उनले ऋतिक रोशनको फिल्म ‘कोई मिल गया’ मा काम गरेकी छिन्।

१५ वर्षको उमेरमा, उनले अल्लु अर्जुनको अपोजिटबाट आफ्नो फिल्मी करियर सुरु गरिन्। उनी तेलुगु फिल्म ‘देसामुदुरु’ मा मुख्य भूमिकामा थिइन्। यसबाहेक, उनी धेरै म्युजिक भिडियोहरूको अनुहार पनि बनेकी छिन्। उनी अन्तिम पटक तेलुगु नृत्य रियालिटी शोमा निर्णायकको रूपमा देखिएकी थिइन्।