नयाँदिल्ली । क्यानडामा भारतीय कमेडियन कपिल शर्माको रेस्टुराँ क्याप्स क्याफेलाई निशाना बनाएर दुई पटक गोली हानियो । अब यस मामलामा ठुलो अपडेट बाहिर आएको छ । आफूले पाएको जानकारीका अनुसार क्याफेमा ग्याङ्गस्टर लरेन्स विश्नोईको गिरोहले गोली हानेको हो । सो गिरोहले सलमान खानसँग निकटता कपिलको लागि आपत् भनेको छ ।
नेटफ्लिक्सको शो ‘द ग्रेट इन्डियन कपिल शो’ को दोस्रो सिजनको पहिलो एपिसोडमा सलमान खानलाई अतिथिको रूपमा बोलाइएको थियो । यसै सन्दर्भमा लरेन्स ग्रुपको ग्याङ्गस्टर ह्यारी बक्सरको भिडियो बाहिरिएको छ ।
शोमा कपिलले सलमानलाई अतिथिको रूपमा बोलाउनु आफूलाई मन नपरेको बक्सरले भिडियोमा भनेका छन् । यसैको बदला लिन कपिलको क्याफेमा गोली हानिएको बताइएको छ । ‘ज–जसले सलमानसँग काम गर्छ उ मर्नेछ’ भिडियोमा भनिएको छ ।
‘कपिलको रेस्टुराँमा गोली यसकारण पनि चलाइएको हो कि कपिलले आफ्नो शोको उद्घाटनमा सलमान खानलाई बोलाएका थिए । अर्को पटक डाइरेक्टर, प्रड्यूसर, कलाकार जो सुकै होस् यी सबैलाई चेतावनी दिँदैनौँ । अब सिधै छातीमा गोली हानिनेछ’ बक्सरले भनेका छन् । ‘हामी मुम्बईको माहौल यति नराम्रो पारिदिनेछौँ कि तिमीहरू कसैले सोचेका पनि छैनौँ’ अझ अगाडि उनले भनेका छन् ।
‘कलाकार, डाइरेक्टर साना ठूला जस्ता सुकै होउन्, कसैलाई छाडिन्न, सबैलाई मारिन्छ’ उनले भनेका छन् । कसैले सलमानसँग काम गर्यो भने आफ्नो मृत्युको जिम्मेवार त्यो व्यक्ति स्वयम् हुने पनि भिडियोमा भनिएको छ ।
कपिललाई यस्तो धम्की आएपछि बलिउडमा डरको माहौल छ । लरेन्स र सलमानको दुस्मनी नयाँ होइन । कालो हरिण मारेको घटनादेखि नै लरेन्स सलमानको पछि लागेका हुन् ।
कयौँ पटक उनले अभिनेतालाई मार्ने प्रयास पनि गरिसकेका छन् । अभिनेताको घर बाहिर पनि गोली चलाइयो । कालो हरिण मारेको मामिलामा सलमानले विश्नोई समाजसँग माफी माग्नुपर्ने लरेन्सको माग छ ।
एजेन्सी
