वीरगञ्ज । बुधवार दिउँसो खोटाङमा हेलिकप्टर दुर्घटना भएको छ ।
केपिलासगढी गाउँपालिका-२ बालाबेसीमा एयर डाइनेस्टीको एनएफक्यू हेलिकप्टर दुर्घटनामा परेको जिल्ला प्रहरी कार्यालय खोटाङका प्रमुख, डिएसपी प्रकाश बुढाथोकीले जानकारी दिए ।
उनका अनुसार हेलिकप्टर ५ जना यात्रु बोकेर काठमाडौँबाट पुगेको थियो । हेलिकप्टर अवतरण गर्ने क्रममा भित्तामा ठोक्किएर दुर्घटना भएको डिएसपी बुढाथोकीले जानकारी दिए ।
पाँच यात्रुमध्ये काजीबहादुर राई घाइते भएका छन् । उनलाई प्रहरीले उद्धार गरेको छ । काजीबहादुरलाई थप उपचारका लागि अर्को हेलिकप्टरमार्फत काठमाडौँ पठाइँदै छ ।
उद्धारका लागि एयर डाइनेस्टीकै अर्को हेलिकप्टर बालाबेसी पुगेको छ ।
यात्रा डेली
