मुम्बई । साउथ सुपरस्टार राम चरण पछिल्लो समय फिल्म ‘पेद्दी’का कारण चर्चामा छन् । छायांकनको अन्तिम चरणमा रहेको फिल्म दर्शमाझ प्रतीक्षित बनेको छ ।
निर्माण युनिटले फिल्म आगामी जुन महिनामा विश्वभर रिलिज हुने जनाएको छ । निर्देशक बुची बाबु सनाले हालै सामाजिक सञ्जालमा राम चरणसँगको एउटा सेल्फी सेयर गर्दै फिल्मको रिलिज मिति आगामी जुन घोषणा गरेका हुन् ।
सन् २०२६ को सबैभन्दा प्रतीक्षित फिल्ममध्ये एक मानिएको ‘पेद्दी’मा राम चरण एकदमै फरक र नयाँ अवतारमा देखिनेछन् । केही समयअघि सार्वजनिक गरिएको फिल्मको ‘झलक’लाई दर्शकले निकै मन पराएका छन् । फिल्मको पहिलो गीत ‘चिकिरी चिकिरी’ले चर्चा पाइसकेको छ । ओस्कार विजेता संगीतकार ए. आर. रहमानको संगीत गीतमा छ ।
फिल्ममा राम चरणको जोडीका रूपमा बलिउड अभिनेत्री जाह्नवी कपुर देखिनेछिन् । उनीहरूसँगै फिल्ममा शिव राजकुमार, जगपति बाबु, दिव्यन्दु शर्मालगायत कलाकारको अभिनय छ ।
एजेन्सी
