वाशिङटन डीसी । अमेरिकाका राष्ट्रपति डोनाल्ड ट्रम्पको यस साता हुने चीन भ्रमणमा अमेरिकी व्यापार तथा प्रविधि क्षेत्रका शीर्ष कार्यकारीहरू सहभागी हुने भएका छन् । बीबीसीका अनुसार ट्रम्पसँग चीन जाने प्रतिनिधिमण्डलमा एप्पलका सीईओ टिम कूक, टेस्ला र स्पेशएक्सका सीईओ एलन मस्कलगायत १७ जना प्रमुख अमेरिकी व्यवसायी समावेश छन् ।

यस भ्रमणका क्रममा ट्रम्पले सि जिनपिङसँग भेट गर्ने कार्यक्रम रहेको छ । अमेरिका र चीनबिच बढ्दो आर्थिक तथा प्रविधिगत प्रतिस्पर्धाका बिच यो भेटलाई महत्त्वपूर्ण रूपमा हेरिएको छ । प्रतिनिधिमण्डलमा मेटाकी अध्यक्ष तथा उपाध्यक्ष डिना पावेल म्याककोर्मिक, बोइङका प्रमुख केली ओर्टबर्ग, भिसाका प्रमुख रायन म्याकइनर्नी, ब्ल्याकस्टोनका स्टीफन स्वार्जम्यानलगायत अन्य वित्तीय, प्रविधि र उत्पादन क्षेत्रका अधिकारीहरू पनि सहभागी हुने जनाइएको छ ।

तर यस टोलीमा चिप निर्माता कम्पनी एनभिडियाका प्रमुख जेनसेन हुआङ समावेश छैनन् । एनभिडिया अमेरिका–चीनबीचको चिप तथा कृत्रिम बौद्धिकता (एआई) प्रतिस्पर्धाको केन्द्रमा रहेको कम्पनी मानिन्छ । गत साता सीएनबीसीको अन्तर्वार्तामा निमन्त्रणा आए आफू चीन भ्रमणमा सहभागी हुनु गौरवको विषय हुने जेनसेनले  हुआङले बताएका थिए ।