स्त्री २ ले हाल थिएटरहरूमा आँधीबेहरी लिइरहेको छ। यो चलचित्रको कमाई सप्ताहन्तमा मात्रै नभएर अन्यका दिनमा पनि राम्रो रहेको छ ।
स्त्री २, भेडिया र मुञ्ज्या जस्ता चलचित्रहरू मार्फत दिनेश विजनले अब आफ्नो हरर कमेडी ब्रह्माण्डलाई विस्तार गर्दै छन् । यसमा थप चलचित्र र कलाकारहरू समावेश गर्दैछन्।
ब्रह्मराक्षस, ब्वाँसो र आत्माको कथापछि अब निर्माताले भ्याम्पायरको कथालाई विश्वसामु ल्याउन लागेका छन् । श्रद्धा कपुर, कृति सेननपछि अब रश्मिका मन्दाना उनको हरर कमेडी ब्रह्माण्डमा सामेल भएकी छिन्।
दिनेश विजनको हरर युनिभर्सको अर्को फिल्मको शीर्षक ‘भ्याम्पायर्स अफ विजयनगर’ हुनेछ। अभिनेता वरुण धवनले यस फिल्मको कथामा अर्को फिल्ममा भ्याम्पायर आउने संकेत गरिसकेका छन् । भ्याम्पायर्स अफ विजयनगरको निर्देशन फिल्म मुञ्ज्याका निर्देशक आदित्य सरपोतदारको हातमा हुनेछ ।
चलचित्रसँग सम्बन्धित स्रोतका अनुसार यो चलचित्रको छायांकन अक्टोबरको पहिलो साताबाट मुम्बईमा सुरु हुने बताइएको छ । यस ब्रह्माण्डका अघिल्ला चलचित्रहरू जस्तै यस चलचित्रको कथालाई पनि दुई कालखण्डमा विभाजन गरिनेछ । पहिलो वर्तमान समय अनुसार उत्तर भारतको सहरको पृष्ठभूमिमा आधारित हुनेछ र दोस्रो पन्ध्रौं शताब्दीको विजयनगर राज्यको पृष्ठभूमिमा आधारित हुनेछ।
रिपोर्टका अनुसार यस फिल्ममा दर्शकले पहिलो पटक आयुष्मान खुरानाको जोडी ‘पुष्पा २’की अभिनेत्री रश्मिका मन्दानासँग देख्न पाउनेछन् । यो फिल्मको बारेमा अझै धेरै जानकारी बाहिर आएको छैन । रश्मिका मन्दानाको हातमा अहिले धेरै ठूला प्रोजेक्ट छन् ।
यस फिल्म बाहेक उनी छिट्टै विक्की कौशलसँग 'छावा' मा देखिने छिन्, जुन बक्स अफिसमा अल्लु अर्जुनको फिल्म 'पुष्पाः द रुल'सँग प्रतिस्पर्धा गर्न लागिरहेको छ । यसमा रश्मिका पनि मुख्य भूमिकामा छिन्।
एजेन्सी
