मुम्बई । दक्षिण भारतीय अभिनेत्री सामन्था रुथ प्रभुले हालै सामाजिक सञ्जालमा एक पोस्ट सेयर गरिन्, जसमा उनले यस वर्ष लिएका साहसी निर्णयहरू र अनुभवहरूका बारेमा कुरा गरेकी छिन्। तर, यस पोस्टमा सबैभन्दा बढी चर्चा उनले निर्देशक राज निदिमोरुसँग खिचेको तस्बिरलाई लिएर भयो, जसले उनीहरूको सम्बन्धको अफवाहलाई फेरि बल दिएको छ।

सामन्थाले आफ्नो फ्रेगरन्स लन्च इभेन्टको यो तस्बिर सामाजिक सञ्जालमा सेयर गरेकी थिइन्। तस्बिरमा सामन्था कालो लेस ड्रेसमा र राज कालो सुटमा देखिएका छन्। 

सामन्थाले पोस्टको क्याप्सनमा लेखे अनुसार उनले पछिल्लो डेढ वर्षमा आफ्नो करियरका केही साहसी कदमहरू चालेकी छिन् र आज उनै साना-साना जितहरूलाई उत्सव मनाउँदै छिन्।

सन् २०१८ को वेब सिरिज ‘द फ्यामिली म्यान २’ मा सँगै काम गरेपछि सामन्था र राजबिच निकटता बढेको बताइन्छ। यद्यपि दुवैले आफ्नो सम्बन्धबारे सार्वजनिक बयान दिएका छैनन्। 

सामन्थाको सन् २०२१ मा नागा चैतन्यसँग सम्बन्धविच्छेद भएको थियो, भने राज निदिमोरुको पनि सन् २०२२ मा श्यामाली डेसँग सम्बन्धविच्छेद भएको रिपोर्टहरूमा उल्लेख छ।