समग्र स्वास्थ्य कायम राख्न मुटुले धेरै महत्त्वपूर्ण भूमिका खेल्छ। त्यसैले यसको विशेष हेरचाह गर्नु आवश्यक छ ।
अहिलेको समयमा विभिन्न कारणले गर्दा हाइपर टेन्सन वा उच्च रक्तचापको समस्या सामान्य भइसकेको छ । युवा पनि यस्तो समस्यामा परिरहेका छन् ।
डब्लुएचओको २०२४ को हालैको प्रतिवेदन अनुसार हाल करिब ५० प्रतिशत युवाले उच्च रक्तचापको उपचार गराइरहेका छन् । तर, कतिपयलाई यसबारे थाहै हुँदैन ।
उच्च रक्तचापलाई साइलेन्ट किलर पनि भनिन्छ । विज्ञका अनुसार आजकल उच्च रक्तचापको सबैभन्दा ठुलो कारण बढी तौल र तनाव हो ।
उच्च रक्तचाप दुई प्रकारको हुन्छन्, तत्काल उच्च रक्तचाप र आपत्कालीन उच्च रक्तचाप । तत्काल उच्च रक्तचापमा व्यक्तिको रक्तचाप उच्च हुन्छ तर कुनै पनि अङ्गलाई हानी हुँदैन ।
आपत्कालीन उच्च रक्तचाप खतरनाक हुन्छ किनभने यसमा बिरामीको धेरै अङ्गमा क्षति पुग्न सक्छ । बेवास्ता गर्दा ज्यानै जाने जोखिम पनि हुन्छ ।
उच्च रक्तचापको लक्षण समयमै पहिचान गर्न जरुरी छ । यसबारेमा थप बुझौँ ।
विज्ञका अनुसार आजभोलि कलेजका विद्यार्थी र काम गर्ने युवामा उच्च रक्तचापको समस्या बढी देखिएको छ । धेरै मानिस यसलाई गम्भीर रोग मान्दैनन् र डाक्टरसँग परामर्श गर्न पनि आवश्यक ठान्दैनन् ।
यसका प्रारम्भिक लक्षणमा तीव्र टाउको दुख्ने, थकान, धमिलो दृष्टि, छाती दुख्ने, सास फेर्न गाह्रो हुने, चक्कर लाग्ने जस्ता छन्। यदि तपाईं उच्च रक्तचाप कम गर्न चाहनुहुन्छ भने, दैनिक एक घण्टा व्यायाम गर्नुहोस् ।
उच्च रक्तचापबाट बच्ने उपाय
यसबाट बच्न तौल नियन्त्रणमा राख्नुहोस्, खानामा नुनको प्रयोग कम गर्नुहोस साथै नियमित व्यायाम गर्नुहोस् । तनावले गर्दा पनि रक्तचापको जोखिम हुन्छ, त्यसैले सकेसम्म तनाव कम लिनुहोस् । स्वस्थ आहार पनि यसको लागि महत्त्वपूर्ण छ।
एजेन्सी
