सर्लाही । सर्लाहीको बलरा नगरपालिका वडा नं. ८, गडहिया डुमरियामा रहेको श्री जनता माविमा दुई दिवसीय विज्ञान प्रदर्शनी मेला भव्य रूपमा सुरु भएको छ। मंसिर १८ र १९ गतेसम्म सञ्चालन हुने यस मेलाको उद्घाटन संघीय सरकारका शिक्षा, विज्ञान तथा प्रविधि मन्त्री विद्या भट्टराईले गरेकी छिन्।
युनेस्को नेपाल राष्ट्रिय आयोगको सचिवालय सिंहदरबारसँगको सहकार्यमा आयोजित यस मेलाको उद्देश्य विज्ञान र प्रविधिमा विद्यार्थीको पहुँच अभिवृद्धि गर्नु रहेको छ। बलरा नगरपालिकाका नगरप्रमुख रामाशंकर कुशवाहाले वैज्ञानिक सोच, रचनात्मकता र नवीन आविष्कारको प्रवर्द्धन गर्न मेला आयोजना गरिएको बताए।
शिक्षा विकास तथा समन्वय इकाइ सर्लाहीको सहयोगमा जिल्लाका २० स्थानीय तहमध्ये १४ स्थानीय तहका ३७ विद्यालयले प्रदर्शनीमा आफ्ना स्टल राखेका छन्। प्रदर्शनीले सर्लाहीसहित आसपासका जिल्लाका विद्यार्थीहरूको रचनात्मक क्षमताको विकासमा महत्वपूर्ण योगदान पुर्याउने अपेक्षा गरिएको छ।
माध्यमिक तहतर्फ:
आधारभूत तहतर्फ:
प्रदर्शनीमा विद्यार्थीहरूको उल्लेखनीय सहभागिता रहेको छ। त्यस्तै, प्रतिनिधि सभा सांसद, प्रदेशका मन्त्री, प्रदेश सांसद, स्थानीय तहका प्रमुख, प्रमुख जिल्ला अधिकारी, सुरक्षा निकायका प्रमुख, जिल्ला समन्वय समितिका अध्यक्ष, शिक्षा समन्वय इकाइका प्रमुख, शिक्षक, र जनप्रतिनिधिहरूको उपस्थिति पनि रहेको छ।
मेलाले विद्यार्थीहरूको नवीनतम सोच र आविष्कार क्षमतालाई उजागर गर्दै नेपालमा विज्ञान र प्रविधिको भविष्य उज्यालो बनाउन मद्दत पुर्याउने विश्वास गरिएको छ।
राधेश्याम कुशवाहा
