रौतहट । जुवातास खेलिरहेको अवस्थामा रौतहटबाट चार जना पक्राउ परेका छन्। जिल्लाको गौर नगरपालिका–५ मा रहेको स्थानीय सुरज कुमार घिमिरेको घरबाट प्रहरीले शुक्रबार बिहान उनीहरूलाई नियन्त्रणमा लिएको हो।
पक्राउ पर्नेमा सोही ठाउँका ३३ वर्षीय जितेन्द्र कुमार कुश्वाहसहित चार जना रहेका छन्। जिल्ला प्रहरी कार्यालय रौतहटले विशेष सूचनाका आधारमा खटिएको टोलीले उनीहरूलाई पक्राउ गरेको जानकारी दिएको छ।
पक्राउ परेका व्यक्तिहरूको साथबाट नगद रु २८ हजार ७१५ समेत बरामद गरिएको प्रहरीले जनाएको छ। यस घटनाबारे थप अनुसन्धान भइरहेको जिल्ला प्रहरी कार्यालय रौतहटले बताएको छ।
जिल्ला प्रहरी कार्यालयले यस्तो गैरकानूनी गतिविधि रोक्न निरन्तर निगरानी गरिरहेको छ। प्रहरीका अनुसार समाजमा शान्ति सुरक्षा कायम गर्न र अपराध न्यूनीकरणका लागि यस्ता गतिविधिमा संलग्न व्यक्तिहरूमाथि कडा कारबाही गर्ने नीति लिइएको छ।
सञ्जय सहनी
