वीरगञ्ज । वीरगञ्ज महानगरपालिकाका कार्यवाहक नगर प्रमुख इम्तियाज आलमसँग वडा नं. १ देखि ३२ सम्मका वडा सदस्यहरूको सौहार्दपूर्ण भेटघाट तथा अन्तरक्रिया कार्यक्रम सम्पन्न भएको छ।

कार्यक्रममा महानगरको समग्र विकास, जनताको हित, विकास निर्माणका कार्य, सुशासन तथा प्रभावकारी सेवा प्रवाहका विषयमा विस्तृत छलफल गरिएको थियो। सहभागी वडा सदस्यहरूले आ–आफ्नो वडामा रहेका आवश्यकता, समस्या तथा विकासका प्राथमिकताबारे धारणा राख्दै विभिन्न सुझाव प्रस्तुत गरेका थिए।

अन्तरक्रियाका क्रममा महानगरभित्र सञ्चालन भइरहेका विकास आयोजनाहरूलाई थप प्रभावकारी बनाउने, जनगुनासोको समयमै सम्बोधन गर्ने तथा नागरिकमैत्री सेवा प्रवाहलाई प्राथमिकता दिने विषयमा विशेष छलफल भएको बताइएको छ।

वडा सदस्यहरूले स्थानीय तहमा देखिएका विभिन्न समस्या समाधान, पूर्वाधार विकास, सरसफाइ, सडक तथा आधारभूत सेवाको पहुँच विस्तारका विषयमा कार्यवाहक नगर प्रमुखको ध्यानाकर्षण गराएका थिए। उनीहरूले जनप्रतिनिधिबीच समन्वय र सहकार्यलाई अझ सुदृढ बनाउनुपर्ने आवश्यकता औंल्याएका थिए।

कार्यक्रममा सहभागी जनप्रतिनिधिहरूप्रति धन्यवाद व्यक्त गर्दै Imtiyaz Alam ले महानगरको समग्र विकास, सुशासन तथा जनसेवालाई अझ प्रभावकारी र नागरिकमुखी बनाउँदै लैजाने प्रतिबद्धता व्यक्त गरे।

उनले महानगरपालिकाले जनप्रतिनिधिहरूसँगको सहकार्य र समन्वयलाई थप मजबुत बनाउँदै नागरिकका अपेक्षा अनुरूप सेवा प्रवाहलाई प्रभावकारी बनाउने बताए। साथै विकास निर्माणका कार्यलाई समयमै सम्पन्न गर्दै जनताले प्रत्यक्ष अनुभूति गर्ने खालका कार्यक्रमलाई प्राथमिकतामा राखिने उल्लेख गरे।

कार्यक्रममा वडा सदस्य तथा अन्य जनप्रतिनिधिहरूको उल्लेखनीय सहभागिता रहेको थियो। सहभागीहरूले यस्ता अन्तरक्रिया कार्यक्रमले जनप्रतिनिधिहरूबीच समन्वय बढाउनुका साथै महानगरको विकासलाई थप गति दिन सहयोग पुग्ने विश्वास व्यक्त गरेका थिए।